الفرق بين الحبكة والفكرة وكيف نبدأ في الكتابة؟
من أكتر الاسئلة إللي كانت مُتكرره المره إللي فاتت هو ايه الفرق بين الحبكة والفكرة
هشرحها باختصار دلوقتي
إحنا خلاق اتفقنا واشرحنا إن عندنا 36 حبكة وهنزلكم الـ 36 حبكة دلوقتي
منهم حبكة (الخطف)
فأنا لو قولتلك أنا عايز منك رواية بتتكلم عن عملية خطف وتحرير الرهينة أو المخطوف
دي كده بتكون حبكة الرواية
وإنت لما تختار أن الرهينة تكون اسمها سمر مثلًا والخاطف خطفها عشان بيحبها
وبيخطفها عشان يجبر اهلها يجوزهاله وباقي التفاصيل دي
دي كده الفكرة
يبقى أنا اديتك الحبكة إللي بطلبها لما قولتلك عايز رواية بتتكلم عن الخطف
وإنت اخترت الفكرة وكتبتها لما قررت إن الخطف يكون عشان الخاطف مهوس بالبطلة مثلًا ونفسه يتجوزها
واضحه كده؟
 |
| الفرق بين الحبكة والفكرة وكيف نبدأ في الكتابة؟ |
***
طيب هو لازم اكون عارف الحبكة؟ طيب ما انا ممكن اكتب الفكرة واكتب عادي صح؟
هو ممكن أقولك صح، إنت كده كده مش مُضطر تحط روايتك في تصنيف يتبع حبكة معينه
لكن إحنا ليه بنشرحها؟
أو ليه بننزلهالكم
لأننا إتفقنا إن مفيش كاتب مش بيقرأ، وإنك لو عايز تطور نفسك لازم تقرأ
دلوقتي مثلًا إنت عايز تكتب رواية بتتكلم عن ثورة أو تمرد أو أي كان
فلازم تروح تدور على الحبكة اللي بتنتمي ليها فكرتك
وتقرأ اشهر الروايات التي اتكتبت في الحبكة دي
وتشوف تسلسل الأحداث كان ماشي إزاي والفكرة، عشان تقدر تكتب عمل أدبي قوي
لأنك طالما مقرأتش تجارب غيرك، هتكون روايتك مُقتصره على تجربتك الحياتية فقط إللي هي متخطتش العشرين سنة مثلًا!
وده غير مقبول.
***
طيب دلوقتي إحنا عرفنا كل ده وعايزين نعرف الحبكات الـ 36 وهم عبارة عن ايه؟
وكل حبكة، ايه فكرتها وتفاصيلها
ممكن تقراهم : من هنا
***
طيب دلوقتي لقينا الفكرة وعرفنا ايه الحبكة المُناسبة ليها أو إللي فكرتنا بتنتمي ليها وقرينا كتير روايات شبيهه، هنعمل ايه بقى؟
الشخصيات
التخطيط
وده إللي هنتعمله سوا المره الجاية إن شاء الله
إرسال تعليق