قبل ما نبدأ حابب أوضح حاجه وهو أن في حاجات كتيره فعلًا شرحناها قبل كده
وبنعيدها تاني، لكن المره دي بنطلب منكم تعملوها وتربطوها ببعض عشان نمشي خطوة خطوة
لغاية مرحلة الكتابة
بحيث أن الشهر ده يخلص وانتوا بتكتبوا رواية فعلًا من خلال تاسكات الورشة، مش مُجرد تاسكات وتتسلم وخلاص
غالبًا هيبقى عندنا يوم بنعيد على حاجه قديمة بتاسك (مع معلومات تفاصيل أكتر من تفاصيل الشهر إللي فات) ويوم تمارين وتقنيات الكتابة نفسها
 |
| الفكرة وتقسيمها |
***
يلا نبدأ ..
ولأننا اتفقنا إن ده شهر العملي فأنا كمان هشارك معاكم وهقولكم فكرتي
فكرة روايتي (مكتوبة بالفعل) بس خلينا نبدأ من البداية
روايتي بتتكلم عن بلد معزولة بيتم نفي المُجرمين فيها وكل شخص بيشكل خطر على المُجتمع
***
أي فكرة هتنقسم لـ 3 أجزاء زي ما شرحنا قبل كده
الجُزء الأول
التعريف بالفكرة والشخصيات والعقدة
الجزء التاني هو الصراع وذروة الأحداث
الجزء الثالث هو حل العقدة أو نهاية الصراع
***
في فكرتي التلت الأول هيكون
التعريف بفكرة الرواية وفكرة البلد إللي المجرمين بيتنفوا ليها وتعريف بشخصياتنا التلاتة وقدراتهم الخارقة وأهدافهم
التلت التاني من الرواية هيكون الصراع الفعلي ما بينهم أو (الحرب لو وجدت)
التالت التالت هو التلت إللي واحد منهم هينتصر على الباقي أو هيحقق هدفه أو موتهم كلهم الفِكرة أن التلت التالت هو تلت النهاية إللي بيوصل فيه الكاتب رسالته أي كانت هي ايه من خلال الأحداث
***
تمام كده إحنا عرفنا إزاي نقسم الفكرة؟
هديكم مثال تاني
ولد بيحب بنت عمه وابوه وعمه بينهم مشاكل
التالت الأول هيكون التعريف بين الولد والبنت ووالده ووالدها والمشاكل إللي ما بينهم وبداية حبهم
التلت التاني هو بدأ الصراع أن خلاص هم بيحبوا بعض وتحصل مشاكل ما بين العيلتين والبنت تتحرم من الدراسة والكلام المحفوظ ده
التلت التالت هو التلت إللي هتحط فيه النهاية سواء باستسلامهم للأمر الواقع وأنهم ميتجوزوش أو أنهم ينتصروا على أهلهم ويتجوزا بأي شكل
ده الشكل إللي المفروض تكون الرواية عليه .. ماينفعش تبقى ماشية برتم حواري واحد لازم يكون محطات بنعدي بيها مش ماشيين برتم ثابت غير كده هتكون مش رواية هتكون يوميات ..
دلوقتي عايز منكم تقسمولي فكرة الرواية إللي قدمتوها في التاسك إللي فات لـ التلت أجزاء دول زي ما شرحت في جروب النقاش.
إرسال تعليق