إضافة شخصية جديدة للرواية في منتصفها
 |
| إضافة شخصية جديدة للرواية في منتصفها |
الشرح
تعالوا نتخيل إن في وسط ما بنكتب روايتنا لقينا إن في شخصية المفروض تضاف
أو إضافتها هتمثل إضافة للرواية ككل، هنعمل ايه؟
يعني دلوقتي لو الشخص ده دخل للبطل مكتبه وبيسلمه (مُخدرات) مثلًا
هنوصفها ازاي في الرواية؟
يلا عايز ردودكم في جروب النقاش قبل ما نكمل ..
لما بشوف في روايات السوشيال مثلًا بيكون مكتوب
فُلان صاحب البطل وكان مسافر ورجع من السعودية وبنت خالته اسمها سماح ولتاته!
لأ طبعًا ده غلط ..
الصح هنإ إننا نعمل فلاش باك، بمشهد مع الشخصية توضح دورها في الرواية
ونرجع للأحداث تاني، عشان يبقى القارئ فاهم الشخصية دي دورها ايه
نعملها إزاي؟
هنفترض إننا في شخص دخل مكتب البطل وسابله شنطة وقاله:
- (أنا كده عملت إللي اتفقنا عليه)
وقتها القارئ هيحس أنه تايه، مش فاهم حاجه أن في نفس الأحداث الرواية بتظهر شخصية جديدة
فا بنعمل فلاش باك
إزاي بقى هتعمل (***)
وتحتيها هتكتب
منذ ثلاثة اسابيع مثلًا
وقف بطل الرواية (اسمه) أمام (محمود) اسم الشخص إللي دخل المكتب
وقال له:
- هستناك تجيبلي البضاعة إللي هنسلمها بعد 3 اسابيع بالظبط من دلوقتي
= متقلقش
- واثق إن الصنف كويس؟
= اكيد، ومتقلقش هجيبهولك بنفسي لحد مكتبك
بعدين هتعمل (***)
وتكتب الآن
وتكمل أحداثك عادي الراجل لما دخل المكتب حصل ايه
طبعًا ده مثال بس وممكت تطبقه على كذه حاجه وفي كل حالات الفلاش باك تقريبًا
إرسال تعليق